FAQS

اکثر پوچھے جانے والے سوالات

گزشتہ پانچ سالوں سے گھر بنانے کی کوشش کررہے ہیں لیکن مکمل نہیں ہو پا رہا ہے کوئی نہ کوئی رکاوٹ پیدا ہو جاتی ہے ۔کبھی پیسے ،کبھی ٹھیکیدار کبھی لیبر کبھی اور کبھی بورڈ والوں کے اعتراضات آجاتے ہیں حالانکہ میرے ساتھ دو اور دوستوں نے اپنے مکانات شروع کئے اور اس میں منتقل بھی ہوگئے ہیں اور میں ابھی تک گرے سٹرکچر میں پھنسا ہوا ہوں ۔ کوئی کہتا ہے کہ نظر ہے کوئی بولے کہ زمین بھاری ہے اس کا کوئی حل بتائیں تاکہ ہم بھی اپنے ذاتی مکان میں منتقل ہوسکیں ۔ ( اویس احمد ۔ کراچی)

بعض اوقات اگر زحل کے نحس اوقات میں کام شروع کیا جائے تو اس میں کوئی نہ کوئی رکاوٹ آتی رہتی ہے ۔ آپ ہر نماز کے بعد ،220 مرتبہ یا غنی یا فتاح یا رب پڑھ کر دعا کریں اول آخر درود شریف گیارہ مرتبہ ۔ لوحِ سبع ستارگان ارسال کی جارہی ہے 2025 میں اپنے ذاتی مکان میں منتقل ہو جائیں گے انشاء اللہ ۔

میں چائنا سے پلاسٹک کے کھلونے کے کنٹینر منگواتا ہوں ہر ماہ دو ڈھائی کنٹینر کی کھپت تھی ۔ مگر گزشتہ چھ ماہ سے کام جیسے رک سا گیا ہے پارٹیوں سے بات اچھی ہے مگر وہ بولتے ہیں دیکھتے ہیں مگر پھر خاموشی چھا جاتی ہے کوئی روحانی علاج کوئی لوح بتائیں تاکہ مسلہ حل ہو جائے ۔ ( فیصل ۔ کراچی )

ہر نماز کے بعد سورہ نصر 13 مرتبہ پڑھ کر دعا کریں اول آخر درود شریف 3 مرتبہ ۔ یا غنی کثرت سے پڑھیں ۔ آپ کے لئے لوح مشتری ارسال ہے ۔

میری بہن میری بیٹی سے رشتہ کرنا چاہتی ہیں لیکن بہنوئی نہیں مانتے ہیں حالانکہ وہ بہت اچھے ہیں اور بیٹی سے پیار بھی بہت ہے لیکن رشتے کے لئے صاف انکاری ہیں کوئی ایسا وظیفہ بتائیں کہ جس سے وہ راضی ہو جائیں اور رشتہ طے ہو جائے ۔ ( ر۔ف۔ سکھر)

جہاں آپ رشتہ کرنا چاہتی ہیں وہاں مناسب نہیں ہے ہر نماز کے بعد یا رافع یا لطیف پڑھیں اول آخر درود شریف گیارہ مرتبہ اللہ تعالیٰ غیب سے بندوست فرمائے گا انشاء اللہ ۔لوح تسخیر خاص ارسال ہے ۔

میں شادی شدہ ہوں تین پیارے بچے ہیں بیگم خوش شکل سلیقہ مند ہیں سسرال والوں نے اچھے علاقے میں فلیٹ دیا ہے اچھے عہدے پر فائز ہوں اچھی تنخواہ ہے مگر مجھے ایک دفتر کی لڑکی سے محبت ہوگئی ہے بہت کوشش کرتا ہوں مگر دل جیسے اس کی طرف کھینچا جاتا ہے ۔ اکثر ہم لنچ ایک ساتھ کرتے ہیں وہ گھر سے کبھی کچھ نہ کچھ پکا کر لاتی ہے خصوصاً چم چم یا رس ملائی ۔ میں اس سے شادی کرنا چاہتا ہوں کوئی اچھا سا روحانی حل تجویز کیجئے ۔ ( ثقلین مشتاق ۔اسلام آباد)

جو نام آپ نے لکھا ہے اسی نام سے جواب دیا جارہا ہے ۔ بس ایک چھوٹی سی شرط ہے کہ 21 دن کے عمرے پر چلے جائیں اور کثرت سے آب زمزم پیجئے ۔ 21 دن کے بعد اگر دل مانے تو شادی کرلیجیۓ گا

میری بیٹی رات میں ڈرتی ہے۔ پہلے یہ کبھی کبھی ہوتا تھا لیکِن اب اکثر ایسا ہونے لگا ہے ۔ نیند نہیں آتی ۔ بد مزاج اور چڑچڑی ہو گئی ہے ۔ خواب میں بھی ڈرتی ہے ۔ ہمارے مرشد نے علاج شروع کیا تھا وہ کچھ بہتر بھی ہوگئ تھی ۔ انہوں نے بتایا تھا کہ آسیبی مسئلہ ہے ۔ مگر علاج ادھورا رہ گیا کیونکہ مرشد عمرے کے لیے گئے تھے اور وہیں حق ہوگئے اب حالت بہت ابتر یے کوئی علاج فرمائیں ۔ ( والدہ ۔ الف ۔ جیم)

ہر نماز کے بعد 170 مرتبہ یا قہار یا جبار پڑھ کر دعا کریں اول آخر درود شریف گیارہ مرتبہ ۔ لوح قرآنی اور نقوش ارسال ہیں 21 دن کے بعد کیفیت سے مطلع فرمائیں ۔

میرے بیٹے کے ساتھ کچھ روحانی مسائل ہیں ۔ ایک مرتبہ کسی لڑکی کے چکر میں پڑ کے کسی عامل کے ہتھے چڑھ گیا اس نے نجانے کیسے وظیفے کروائے کہ آہستہ آہستہ دماغی حالت خراب ہونے لگی ۔ لڑکی تو نہ ملی پاگل پن سوار ہوگیا ۔برائے مہربانی کوئی روحانی علاج تجویز کیجئے ۔ ( نصیر ۔وہاڑی )

خالی لڑکی کا ہی مسئلہ نہیں تھا صاحبزادے پراسرار علوم کے چکر میں پڑ گئے اور ہمزاد کی تسخیر میں پڑ گئے اور عمل کی رجعت ہوگئی ۔ یاسلام یا حفیظ یا مانع 313 مرتبہ بعد نماز عشاء پڑھ کر دعا کریں اول آخر درود شریف گیارہ مرتبہ اور پانی پر دم کرکے پلائیں روزانہ تازہ پانی دم کریں ۔ لوح اور نقوش ارسال کئے جارہے ہیں ۔

ہماری بیٹی ماشاءاللہ بہت خوبصورت ہے مگر اس کی شادی میں کوئی رکاوٹ ہے ۔ہمارے گھر سے تعویزات بھی نکلے ہیں اس کو آپ کے واٹس ایپ نمبر پر ارسال کردئے ہیں ۔ لوگوں نے بتایا کہ تعویزات کے ذریعے کسی نے رشتہ باندھ دیا ہے ۔ برائے مہربانی اس کا حل تجویز کیجئے اور مناسب لوح بھی بنا دیجیئے ۔

جو تعویذ آپ نے ارسال کیے ہیں وہ اچھے نہیں ہیں ۔جمعرات اور جمعے کی شب آیت الکرسی 313 مرتبہ پڑھ کر دعا کریں اول آخر درود شریف 51 مرتبہ اور پانی پر دم کرکے پلایا کریں ۔لوح اور وظیفہ ارسال ہے دعاؤں کا شکریہ ۔

میرے بیٹے نے اپنا فروزن فوڈز کا کاروبار شروع کیا ایک دوست کی شراکت میں ۔ شروع میں کام بہت اچھا چلا پھر بیٹھنے لگا اس کے شراکت دار نے الگ ہونے کا فیصلہ کیا اور دوبئی چلا گیا اس دوران کچھ کہا سنی ہوگئی اور وہ دھمکی دے کر گیا کہ اب کام کرکے دکھاؤ بس اس کے بعد تو معاملہ بالکل ہاتھ سے نکل گیا کئی لوگوں نے بتایا کہ سخت جادو ہے ۔کاروبار کے لئے کوئی روحانی حل تجویز کیجئے ۔ ( ریحان صفدر ۔ راولپنڈی )

منگل کے روز حسب توفیق بڑے گوشت کا صدقہ دیجئے ۔ یا فتاح یا غنی ہر نماز کے بعد 245 مرتبہ پڑھ کر دعا کریں اول آخر درود شریف گیارہ مرتبہ ۔ لوح مشتری ارسال کی جارہی ہے

Call Us:

+923309868031

Email:

askqadri@gmail.com

FAQS

اکثر پوچھے جانے والے سوالات